ETRADCOVID19. Aula de Violín Folk. Básico. Curso Preparatorio de violín folk A REGUEIFA

ETRADCOVID19. Aula de Violín Folk.
Básico. Curso Preparatorio de violín folk

A REGUEIFA

A regueifa vídeo

Que é a Regueifa e cal é a súa orixe?

A Regueifa é un desafío oral improvisado en verso cunha orixe que, debido ao seu carácter basicamente oral, se perde na noite dos tempos. A súa referencia máis próxima a nós di que durante o banquete das vodas campesiñas era tradición que a parella ou a madriña d@s acabad@s de casar puxese a disposición d@s que non foran convidad@s á celebración un bolo de pan chamado “regueifa”. Ademais, a maneira de ver quen era a persoa á que lle cabía o honor de repartir a regueifa, molete ou biscachón entre @s presentes era retarse dialecticamente entre el@s, en verso, meténdose uns con outros, cos contraentes ou cos familiares destes, para ver quen facía gala do maior enxeño e mordacidade.

PARTITURA INTERACTIVA E VÍDEO

• Esta é a primeira Jota que imos aprender. É moi sinxela e se toca únicamente nunha corda
• Antes de comezar a aprender esta peza, tendes que practicar o patrón rítmico da Jota, para interiolizalo.
• A primeira parte, que lle chamamos A, é máis enérxica e ten un ritmo de Jota moi marcado, que corresponde no baile á parte do "punto". 
• Nesta parte tendes que empregar dobles cordas. A nota que empregamos como dobre corda corresponde á LA. Observade que sempre aparece na primeira parte do compás, reforzando o acento.
• Na segunda parte, máis lírica, corresponde ao canto, e no baile á "volta". Aquí empregaremos un arco maior.
• Vedes que na primeira parte as dúas voces tocan a unísono -os dous tocan o mesmo-, pero na segunda se desdoblan unha voz fai a de arriba e outra á de abaixo.

Coplas usadas habitualmente para cantar esta Regueifa

A regueifa está na mesa

e no medio ten un ovo,

para corta-la regueifa

veñan as de Portonovo (BIS)

Ailalelo ai lalá laaaa

Si mo ves por ahí (BIS)

ó borracho do meu home,

fai o favor de decirlle

que hoxe na casa non dorme (BIS)

Ailalelo ai lalá laaaa

Unha vella é ben vella (BIS)

vella da cabeza branca,

botou un peido na cama

fixo levanta-la manta (BIS)

Ailalelo ai lalá laaaa

Alá vai a despedida (BIS)

despedida dunha rosa

como me vou despedir-e

dunha cara tan fermosa (BIS)

Ailalelo ai lalá laaaa